zindagi ab ke miraa naam na shaamil karnaa — Wasi Shah

tumhaaraa naam likhne ki ijaazat chhin gai jab se
koi bhi lafz likhtaa huun to aankhein bhiig jaati hain

jo tu nahin hai to ye mukammal na ho sakeingi
tiri yahi ahmiyat hai meri kahaaniyon mein

is judaai mein tum andar se bikhar jaaoge
kisi maazur ko dekhoge to yaad aaungaa

kaun kahtaa hai mulaaqaat miri aaj ki hai
tu miri ruuh ke andar hai kai sadiyon se

jaise ho umr bhar kaa asaasa gharib kaa
kuchh is tarah se main ne sambhaale tumhaare khat

na tumhein hosh rahe aur na mujhe hosh rahe
is qadar TuuT ke chaaho mujhe paagal kar do

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

main zindagi ki duaa maangne lagaa huun bahut
jo ho sake to duaaon ko be-asar kar de

kam se kam maut se aisi mujhe ummid nahin
zindagi tu ne to dhoke pe diyaa hai dhoka