kaun kahtaa hai mulaaqaat miri aaj ki hai — Wasi Shah

na tumhein hosh rahe aur na mujhe hosh rahe
is qadar TuuT ke chaaho mujhe paagal kar do

tumhaaraa naam likhne ki ijaazat chhin gai jab se
koi bhi lafz likhtaa huun to aankhein bhiig jaati hain

jo tu nahin hai to ye mukammal na ho sakeingi
tiri yahi ahmiyat hai meri kahaaniyon mein

is judaai mein tum andar se bikhar jaaoge
kisi maazur ko dekhoge to yaad aaungaa

jaise ho umr bhar kaa asaasa gharib kaa
kuchh is tarah se main ne sambhaale tumhaare khat

zindagi ab ke miraa naam na shaamil karnaa
gar ye tai hai ki yahi khel dobaara hogaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

thoDaa saa kahin jama bhi rakh dard kaa paani
mausam hai koi khushk saa barsaat se aage

khushiyaan dete dete aksar khud gham mein mar jaate hain
resham bunne vaale kiiDe resham mein mar jaate hain

tumhaare bakhshe hue aansuon ke qatron se
shab-e-firaaq mein taare sajaa rahaa huun main