dasht phir kyon nahin rahe aabaad — Yahya Khan Yusuf Zai

shahr ke shahr ko bimaar banaa rakhaa hai
aag lag jaae tire kaar-e-masihaai ko

jo havaa ki panaah mein aae
vahi rah jaaegaa diyaa mahfuz

pyaaso raho na dasht mein baarish ke muntazir
maaro zamin pe paanv ki paani nikal paDe

yaa abr-e-karam ban ke baras khushk zamin par
yaa pyaas ke sahraa mein mujhe jiinaa sikhaa de

qismat hi mein raushni nahin thi
baadal to kabhi kaa chhaT rahaa thaa

ye abr-e-nau hamaare kisi kaam kaa nahin
un ko pasand hi nahin baarish mein bhignaa

chaahat kaa jab mazaa hai ki vo bhi hon be-qaraar
donon taraf ho aag baraabar lagi hui

aankh apni tiri abru pe jami rahti hai
roz is bait pe ham saad kiyaa karte hain