chaahat kaa jab mazaa hai ki vo bhi hon be-qaraar — Zaheer Dehlvi

bujhaaun kyaa charaagh-e-subh-gaahi
mire ghar shaam honi hai sahar se

shirkat gunaah mein bhi rahe kuchh savaab ki
tauba ke saath toDiye botal sharaab ki

kuchh to hote hain mohabbat mein junun ke aasaar
aur kuchh log bhi divaana banaa dete hain

samjheinge na aghyaar ko aghyaar kahaan tak
kab tak vo mohabbat ko mohabbat na kaheinge

ishq hai ishq to ik roz tamaashaa hogaa
aap jis munh ko chhupaate hain dikhaanaa hogaa

ishq kyaa shai hai husn hai kyaa chiiz
kuchh idhar ki hai kuchh udhar ki aag

pyaaso raho na dasht mein baarish ke muntazir
maaro zamin pe paanv ki paani nikal paDe

abr se aur dhuup se rishta hai ek saa miraa
aaine aur charaagh ke biich kaa faasla huun main

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

bose gar ham ne liye hain to diye bhi tum ko
chhuT gae aap ke ehsaan se baraabar ho kar

rouun to khush ho ke piye hai vo mai
samjhe hai mausam ise barsaat kaa

main un musaafiron mein huun is chashm-e-tar ke haath
ghar se nikal ke ho jise barsaat raah mein