qismat hi mein raushni nahin thi — Wazir Agha

aise baDhe ki manzilein raste mein bichh gaiin
aise gae ki phir na kabhi lauTnaa huaa

vo khush-kalaam hai aisaa ki us ke paas hamein
tavil rahnaa bhi lagtaa hai mukhtasar rahnaa

khuli kitaab thi phulon-bhari zamin meri
kitaab meri thi rang-e-kitaab us kaa thaa

itnaa na paas aa ki tujhe DhunDte phirein
itnaa na duur jaa ke hama-vaqt paas ho

yaa abr-e-karam ban ke baras khushk zamin par
yaa pyaas ke sahraa mein mujhe jiinaa sikhaa de

dhuup ke saath gayaa saath nibhaane vaalaa
ab kahaan aaegaa vo lauT ke aane vaalaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil saraapaa dard thaa vo ibtidaa-e-ishq thi
intihaa ye hai ki 'faani' dard ab dil ho gayaa

dil-e-marhum ko khudaa bakhshe
ek hi gham-gusaar thaa na rahaa

vo subh-e-id kaa manzar tire tasavvur mein
vo dil mein aa ke adaa tere muskuraane ki

mar ke TuuTaa hai kahin silsila-e-qaid-e-hayaat
magar itnaa hai ki zanjir badal jaati hai