na kaho tum bhi kuchh na ham bolein — Zafar Tabish

manzar se laa-manzar tak
aankhein khaali khaali hain

jab bhi jhuk kar miltaa huun main logon se
ho jaataa huun apne qad se unchaa main

basti basti jangal jangal ghumaa main
lekin apne ghar mein aa kar soyaa main

so rahe the shahr bhi jangal bhi jab
ro rahaa thaa niilaa ambar TuuT kar

ba-zaahir yuun to main simTaa huaa huun
agar socho to phir bikhraa huaa huun

sirf zafar 'taabish' hain ham
'ghaalib' 'mir' na 'haali' hain

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

shor machaa deti hai us ki khaamoshi
bole to phir sannaaTaa chhaa jaataa hai

ehsaas mein shadid talaatum ke baavajud
chup huun mujhe sukun mayassar ho jis tarah

khaamosh sahi markazi kirdaar to ham the
phir kaise bhalaa teri kahaani se nikalte

sukut baDhne lagaa hai sadaa zaruri hai
ki jaise habs mein taaza havaa zaruri hai