so rahe the shahr bhi jangal bhi jab — Zafar Tabish

manzar se laa-manzar tak
aankhein khaali khaali hain

jab bhi jhuk kar miltaa huun main logon se
ho jaataa huun apne qad se unchaa main

na kaho tum bhi kuchh na ham bolein
aao khaamoshiyon ke lab kholein

basti basti jangal jangal ghumaa main
lekin apne ghar mein aa kar soyaa main

ba-zaahir yuun to main simTaa huaa huun
agar socho to phir bikhraa huaa huun

sirf zafar 'taabish' hain ham
'ghaalib' 'mir' na 'haali' hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

subh-e-chaman mein ek yahi aaftaab thaa
is aadmi ki laash ko eazaaz se uThaa

pattaa pattaa buuTaa buuTaa haal hamaaraa jaane hai
jaane na jaane gul hi na jaane baagh to saaraa jaane hai