shaikh mujh ko na Daraa apni musalmaani thaam — Qasim Ali Khan Afridi

nargisi chashm dikhaa kar ke vo vahshat-zada yaar
ye gayaa vo gayaa jis tarah ghazaal aap se aap

bas nahin chaltaa hai varna apne mar jaane ke saath
pheink dete khod kar duniyaa ki sab buniyaad ham

lab-e-shirin se agar ho na teraa lab shirin
kohkan tu bhi to ab daaman-e-kohsaar na chhoD

yaar kaa kucha hai masjud-e-khalaaiq dekh le
sang hai kaabe mein murat dair mein hai mushtarak

mujhe khushi ki giraftaar main huaa teraa
to shaad ho ki hai aisaa shikaar asiir miraa

khudaa ko sajda kar ke mubtazil zaahid huaa ab to
to jaa kar mah-jabin ke aastaan pe jubba-saai kar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge