dukh na sahne ki sazaaon mein ghiraa rahtaa hai — Zakariya Shaz

kuchh bhi dekhaa nahin thaa main ne jab
har nazaara thaa meri aankhon mein

ai gardish-e-ayyaam hamein ranj bahut hai
kuchh khvaab the aaise ki bikharne ke nahin the

taalluq hi nahin hai jin se meraa
main un khadshaat mein rakkhaa huaa huun

ye alag baat ki chalte rahe sab se aage
varna dekhaa hi nahin teri talab se aage

main chup rahaa to aankh se aansu ubal paDe
jab bolne lagaa miri aavaaz phaT gai

jab bhi ghar ke andar dekhne lagtaa huun
khiDki khol ke baahar dekhne lagtaa huun

marne ke liye aae the ham dasht-e-balaa mein
jiine ki du'aa de gayaa darvesh hamein kyon

zabaan pe shikva-e-be-mehri-e-khudaa kyuun hai?
duaa to maangiye 'aatish' kabhi duaa ki tarah

chand peDon ko hi majnun ki duaa hoti hai
sab darakhton pe to patthar nahin aayaa kartaa

meri maan to miri jannat ko liye baiThi hai
aise kar lo mire purkhon ki duaa tum rakh lo

har dam duaa-e-aab-o-havaa maangte rahe
nange darakht sabz qabaa maangte rahe

har qarz-khvaah hadd-e-adab laangne lagaa
dil apni maghfirat ki duaa maangne lagaa