marne ke liye aae the ham dasht-e-balaa mein — Aafreen Faheem Aafi

ye aur baat musalsal haraa rahaa lekin
darakht-e-dil pe kabhi mausami samar na lage

aarzu-e-dil-e-betaab mukammal kar de
khvaahish-e-did-e-sanam chashm mein bal khaati hai

dil lutf-e-intizaar kaa ummid-vaar thaa
vo dastyaab ho gayaa taakhir ke baghair

chhaaon detaa dhuup uThaataa raste mein
main ne dekhaa ek shajar darveshi mein

bhale zamaane mein jis qadar bhi sitam ravaa hon
faqir kaa dar kabhi muqaffal nahin milegaa

dil paa ke us ki zulf mein aaraam rah gayaa
darvesh jis jagah ki hui shaam rah gayaa

aTe hue hain faqiron ke pairahan 'kaifi'
jahaan ne bhiik mein miTTi bikher kar di hai

sab ne dekhaa aur sab khaamosh the
ek suufi kaa mazaar uDtaa huaa

ai amiri agar hai tujh mein dam
kisi darvesh se ulajh kar dekh