aap ko kho ke tum ko DhunDh liyaa — Zeba

butaan-e-hind mire dil mein hain dar aae hue
khudaa ke ghar ko ghar apnaa hain ye banaae hue

ye baat baat pe zaahid jo TuuT jaataa hai
dil-e-hazin bhi hamaaraa tiraa vuzu kyaa hai

khudaa ki bhi nahin sunte hain ye but
bhalaa main kyaa huun meri iltijaa kyaa

hans ke phulon ko vo kareinge subuk
rang uDaaeinge ham anaadil kaa

huaa hai ishq mein kam husn-e-ittifaaq aisaa
ki dil ko yaar to dil yaar ko pasand huaa

pahle kyaa thaa jo kiyaa karte the taarif miri
ab huaa kyaa jo buraa ho gayaa achchhaa ho kar

al-madad ai jazba-e-zauq-e-mohabbat al-madad
ishq ne aavaaz di be-ikhtiyaaraana mujhe

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

tamaam umr azaabon kaa silsila to rahaa
ye kam nahin hamein jiine kaa hausla to rahaa

bhaarat ke ai saputo himmat dikhaae jaao
duniyaa ke dil pe apnaa sikka biThaae jaao

vaqt ki gardishon kaa gham na karo
hausle mushkilon mein palte hain

mat baiTh aashiyaan mein paron ko sameT kar
kar hausla kushaada fazaa mein uDaan kaa