khudaa ki bhi nahin sunte hain ye but — Zeba

butaan-e-hind mire dil mein hain dar aae hue
khudaa ke ghar ko ghar apnaa hain ye banaae hue

ye baat baat pe zaahid jo TuuT jaataa hai
dil-e-hazin bhi hamaaraa tiraa vuzu kyaa hai

hans ke phulon ko vo kareinge subuk
rang uDaaeinge ham anaadil kaa

huaa hai ishq mein kam husn-e-ittifaaq aisaa
ki dil ko yaar to dil yaar ko pasand huaa

pahle kyaa thaa jo kiyaa karte the taarif miri
ab huaa kyaa jo buraa ho gayaa achchhaa ho kar

aap ko kho ke tum ko DhunDh liyaa
hausla thaa ye mere hi dil kaa

husn kaa har khayaal raushan hai
ishq kaa muddaaa kise maalum

bhare hon aankh mein aansu khamida gardan ho
to khaamushi ko bhi izhaar-e-muddaaa kahiye

yaad aae hain uff gunah kyaa kyaa
haath uThaae hain jab duaa ke liye

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

baDhe kuchh aur kisi iltijaa se kam na hue
mire harif tumhaari duaa se kam na hue

duaa ye hai na hon gumraah ham-safar mere
'khumaar' main ne to apnaa safar tamaam kiyaa