butaan-e-hind mire dil mein hain dar aae hue — Zeba

ye baat baat pe zaahid jo TuuT jaataa hai
dil-e-hazin bhi hamaaraa tiraa vuzu kyaa hai

khudaa ki bhi nahin sunte hain ye but
bhalaa main kyaa huun meri iltijaa kyaa

hans ke phulon ko vo kareinge subuk
rang uDaaeinge ham anaadil kaa

huaa hai ishq mein kam husn-e-ittifaaq aisaa
ki dil ko yaar to dil yaar ko pasand huaa

pahle kyaa thaa jo kiyaa karte the taarif miri
ab huaa kyaa jo buraa ho gayaa achchhaa ho kar

aap ko kho ke tum ko DhunDh liyaa
hausla thaa ye mere hi dil kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa

ai dil phir un se dosti ki
o khaana-kharaab phir vahi ki

jin ki hasrat mein dil-e-rusvaa ne gham khaae bahut
sang ham par in darichon ne hi barsaae bahut

paidal hamein jo dekh ke katraate the kabhi
ab lift maangte hain vahi kaar dekh kar