mat baiTh aashiyaan mein paron ko sameT kar — Mahfuzur Rahman Adil

tumhaare bakhshe hue aansuon ke qatron se
shab-e-firaaq mein taare sajaa rahaa huun main

usi ne bakhshaa hai mujh ko shuur jiine kaa
jo mushkilon ki ghaDi baar baar aai hai

vo miri aavaaragardi vo miraa divaana-pan
vo miri taazim mein divaar-o-dar kaa jaagnaa

zindagi ko hausla dene ke khaatir
khvaahishon ko reza reza chun rahaa huun

khud mire aansu chamak rakhte hain gauhar ki tarah
meri chashm-e-aarzu mein maah-o-akhtar kuchh nahin

ek din vo zarron ko aaftaab kar leinge
dhuup ke jo khvaahaan hain raat ke andhere mein

hujum-e-gham se mili hai hayaat-e-nau mujh ko
hujum-e-dard se paayaa hai hausla main ne

haqiqatein to aTal hain badal nahin saktin
magar kisi ki tasalli se hausla huaa hai

tiir khaane ki havas hai to jigar paidaa kar
sarfaroshi ki tamannaa hai to sar paidaa kar

subut-e-ishq ki ye bhi to ek surat hai
ki jis se pyaar karein us pe tohmatein bhi dharein

kaam aakhir jazba-e-be-ikhtiyaar aa hi gayaa
dil kuchh is surat se taDpaa un ko pyaar aa hi gayaa

divaar ke us paar jaane ki tamanna hai to phir
himmat juTaa kar tum kabhi divaar Dhaate kyon nahin