main us ko maut se bhi chhin laataa — Ziya Shadani

ab is se baDh ke taraqqi kaa daur kyaa hogaa
haram mein baiTh ke zaahid sharaab maange hai

jab ki pahlu se yaar uThtaa hai
dard be-ikhtiyaar uThtaa hai

ham dilli bhi ho aae hain lahore bhi ghume
ai yaar magar teri gali teri gali hai

farhaad o qais o vaamiq o azraa the chaar dost
ab ham bhi aa mile to hue mil ke chaar paanch

khush raho yaar agar ham se ho bezaar bahut
dil agar apnaa salaamat hai to dildaar bahut

choTi gundhvaai hui yaar ne khulvaa Daali
rahm aayaa koi mahbus-e-rasan yaad aayaa

furqat-e-yaar mein insaan huun main yaa ki sahaab
har baras aa ke rulaa jaati hai barsaat mujhe