gham to gham hi raheinge 'zubair' — Zubair Amrohvi

har ek lamha tiri yaad mein basar karnaa
hamein bhi aa gayaa ab khud ko mo'tabar karnaa

kitne chehron ke rang zard paDe
aaj sach bol kar himaaqat ki

ek hi ghar ke rahne vaale ek hi aangan ek hi duvaar
jaane kyuun baDhti jaati hai nafrat bhaai bhaai mein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil sadaa taDpe hai meraa murgh-e-bismil ki tarah
yaa ki sikhi murgh-e-bismil ne mire dil ki tarah

miri aankhein yahaan tanhaa paDi hain
to us kaa kaun pichhaa kar rahaa hai

gulshan ki faqat phulon se nahin kaanTon se bhi zinat hoti hai
jiine ke liye is duniyaa mein gham ki bhi zarurat hoti hai