Ahmar Nadeem

maut bar-haq hai jab aa jaa.e hamen kya lekin
zindagi ham tiri raftar se Dar jaate hain

teri khvahish bhi na ho tujh se shikayat bhi na ho
itna ehsan miri jaan nahin karna tha

shayad main apne aap se ghafil na rah saka
kuchh log meri zaat se mansub ho ga.e

ahval mere shor-e-salasil ke sun rafiq
jaise ravan-davan koi dariya qafas men hai

ham aise bakht ke maare ki shahr men aa kar
libas-e-gardish-e-dauran bhi taar taar kiya

dil lagane ko saara jahan tha magar
sochta kaun hai dil lagate hue

ye kaisi fasaahat ki samajh mein nahin aati
tahrir-e-mohabbat zaraa aasaan likhaa kar

kitne hi raaz sab par 'ayaan ho gae
ik tiraa raaz-e-ulfat chhupaate hue

dil lagaane ko saaraa jahaan thaa magar
sochtaa kaun hai dil lagaate hue

maut bar-haq hai jab aa jaae hamein kyaa lekin
zindagi ham tiri raftaar se Dar jaate hain

qaafile mein har ik fard mukhtaar hai
qaafila dekh lenaa luTegaa zarur

kitne rishton kaa main ne bharam rakh liyaa
ik ta'alluq se daaman chhuDaate hue