kitne hi raaz sab par 'ayaan ho gae — Ahmar Nadeem

ye kaisi fasaahat ki samajh mein nahin aati
tahrir-e-mohabbat zaraa aasaan likhaa kar

dil lagaane ko saaraa jahaan thaa magar
sochtaa kaun hai dil lagaate hue

maut bar-haq hai jab aa jaae hamein kyaa lekin
zindagi ham tiri raftaar se Dar jaate hain

qaafile mein har ik fard mukhtaar hai
qaafila dekh lenaa luTegaa zarur

chupke chupke apne andar jaate hain
sahme sahme baahar aanaa paDtaa hai

kitne rishton kaa main ne bharam rakh liyaa
ik ta'alluq se daaman chhuDaate hue

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kar liije 'raziya' se mohabbat ham par kiije nazr-e-karam
vo be-chaari phans jaaegi ham us ko samjhaaeinge

laazim hai soz-e-ishq kaa shoala ayaan na ho
jal bujhiye is tarah se ki mutlaq dhuaan na ho

be-din hue imaan diyaa ham ishq mein sab kuchh kho baiThe
aur jin ko samajhte the apnaa vo aur kisi ke ho baiThe

main jaantaa huun mohabbat mein kyaa nahin karnaa
ye vo jagah hai jahaan qais bhi phisaltaa hai