kitne rishton kaa main ne bharam rakh liyaa — Ahmar Nadeem

kitne hi raaz sab par 'ayaan ho gae
ik tiraa raaz-e-ulfat chhupaate hue

dil lagaane ko saaraa jahaan thaa magar
sochtaa kaun hai dil lagaate hue

maut bar-haq hai jab aa jaae hamein kyaa lekin
zindagi ham tiri raftaar se Dar jaate hain

qaafile mein har ik fard mukhtaar hai
qaafila dekh lenaa luTegaa zarur

chupke chupke apne andar jaate hain
sahme sahme baahar aanaa paDtaa hai

ye kaisi fasaahat ki samajh mein nahin aati
tahrir-e-mohabbat zaraa aasaan likhaa kar