maut bar-haq hai jab aa jaae hamein kyaa lekin — Ahmar Nadeem

ye kaisi fasaahat ki samajh mein nahin aati
tahrir-e-mohabbat zaraa aasaan likhaa kar

kitne hi raaz sab par 'ayaan ho gae
ik tiraa raaz-e-ulfat chhupaate hue

dil lagaane ko saaraa jahaan thaa magar
sochtaa kaun hai dil lagaate hue

qaafile mein har ik fard mukhtaar hai
qaafila dekh lenaa luTegaa zarur

chupke chupke apne andar jaate hain
sahme sahme baahar aanaa paDtaa hai

kitne rishton kaa main ne bharam rakh liyaa
ik ta'alluq se daaman chhuDaate hue

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi zor hai ravaani kaa
kyaa thamegaa bahaav paani kaa

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

umr hi teri guzar jaaegi un ke hal mein
teraa bachcha jo savaalaat liye baiThaa hai