Top Sad Shayari

main bhi ruk ruk ke na martaa jo zabaan ke badle
dashna ik tez saa hotaa mire gham-khvaar ke paas

kaan mein hai tere moti aab-daar
yaa kisi aashiq kaa aansu bolnaa

ishq se tabiat ne ziist kaa mazaa paayaa
dard ki davaa paai dard-e-be-davaa paayaa

jis kuun tujh gham siin dil-shigaafi hai
marham-e-vasl is kuun shaafi hai

naa-karda gunaahon ki bhi hasrat ki mile daad
yaa rab agar in karda gunaahon ki sazaa hai

paas jab tak vo rahe dard thamaa rahtaa hai
phailtaa jaataa hai phir aankh ke kaajal ki tarah

aa shitaabi siin vagarna majlis-e-ushshaaq mein
zulm hai gham hai qayaamat hai kharaabi ai sanam

ho duur is tarah ki tiraa gham judaa na ho
paas aa to yuun ki jaise kabhi tu milaa na ho

haan nukta-varo laao lab-o-dil ki gavaahi
haan naghmagaro saaz-e-sadaa kyuun nahin dete

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

rag-e-sang se Tapaktaa vo lahu ki phir na thamtaa
jise gham samajh rahe ho ye agar sharaar hotaa

baDe baDe gham khaDe hue the rasta roke raahon mein
chhoTi chhoTi khushiyon se hi ham ne dil ko shaad kiyaa

pukaaraa qaasid-e-ashk aaj fauj-e-gham ke haathon se
huaa taaraaj pahle shahr-e-jaan dil kaa nagar pichhe

gham-e-firaaq mein taklif-e-sair-e-baagh na do
mujhe dimaagh nahin khanda-haa-e-bejaa kaa

zindagaani dard-e-sar hai yaar bin
kui hamaare sar kuun aa kar jhaaD de

meri qismat mein gham gar itnaa thaa
dil bhi yaa-rab kai diye hote

dil naa-umid to nahin naakaam hi to hai
lambi hai gham ki shaam magar shaam hi to hai

ab tiraa zikr bhi shaayad hi ghazal mein aae
aur se aur hue dard ke unvaan jaanaan

kahun kis se main ki kyaa hai shab-e-gham buri balaa hai
mujhe kyaa buraa thaa marnaa agar ek baar hotaa

gham-e-jahaan ho rukh-e-yaar ho ki dast-e-adu
suluk jis se kiyaa ham ne aashiqaana kiyaa

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

duniyaa ne teri yaad se begaana kar diyaa
tujh se bhi dil-fareb hain gham rozgaar ke

qatil apnaa muqaddar gham se begaana agar hotaa
to phir apne paraae ham se pahchaane kahaan jaate

letaa huun maktab-e-gham-e-dil mein sabaq hanuz
lekin yahi ki raft gayaa aur buud thaa

gham mujhe dete ho auron ki khushi ke vaaste
kyuun bure bante ho tum naahaq kisi ke vaaste