naa-karda gunaahon ki bhi hasrat ki mile daad — Mirza Ghalib

sabza o gul kahaan se aae hain
abr kyaa chiiz hai havaa kyaa hai

phir mujhe dida-e-tar yaad aayaa
dil jigar tishna-e-fariyaad aayaa

umr bhar dekhaa kiye marne ki raah
mar gae par dekhiye dikhlaaein kyaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

saadgi o purkaari be-khudi o hushyaari
husn ko taghaaful mein jurat-aazmaa paayaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

duaa karo ki ye paudaa sadaa haraa hi lage
udaasiyon mein bhi chehra khilaa khilaa hi lage

main jis ki aankh kaa aansu thaa us ne qadr na ki
bikhar gayaa huun to ab ret se uThaae mujhe