zindagaani dard-e-sar hai yaar bin — Siraj Aurangabadi

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

aa shitaabi siin vagarna majlis-e-ushshaaq mein
zulm hai gham hai qayaamat hai kharaabi ai sanam

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

hamaari baat mohabbat siin tum jo gosh karo
to apni prem kahaani tumhein sunaaungaa

haq mein ushshaaq ke qayaamat hai
kyaa karam kyaa itaab kyaa dushnaam

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kiyaa dard-o-gham ne mujhe naa-umid
ki majnun ko ye hi thiin bimaariyaan

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

koi shikva na gham na koi yaad
baiThe baiThe bas aankh bhar aai