SHAWORDS

jahaan-e-ghuncha-e-dil kaa faqat chaTaknaa thaa — Firaq Gorakhpuri

Home›Firaq Gorakhpuri›Ghazal
"jahaan-e-ghuncha-e-dil kaa faqat chaTaknaa thaa usi ki bu-e-pareshaan vajud-e-duniyaa thaa ye kah ke kal koi be-ikhtiyaar rotaa thaa vo ik nigaah sahi kyuun kisi ko dekhaa thaa tanaabein kucha-e-qaatil ki khinchti jaati thiin shahid-e-tegh-e-adaa mein bhi zor kitnaa thaa bas ik jhalak nazar aai uDe kalim ke hosh bas ik nigaah hui khaak tur-e-sinaa thaa har ik ke haath faqat ghaflatein thiin hosh-numaa ki apne aap se begaana-vaar jiinaa thaa yahi huaa ki fareb-e-umid-o-yaas miTe vo paa gae tire haathon hamein jo paanaa thaa chaman mein ghuncha-e-gul khilkhilaa ke murjhaae yahi vo the jinhein hans hans ke jaan denaa thaa nigaah-e-mehr mein jis ki hain sad payaam-e-fanaa usi kaa aalam-e-ijaad-o-naaz bejaa thaa jahaan tu jalva-numaa thaa larazti thi duniyaa tire jamaal se kaisaa jalaal paidaa thaa hayaat-o-marg ke kuchh raaz khul gae honge fasaana-e-shab-e-gham varna dosto kyaa thaa shab-e-adam kaa fasaana gudaaz sham-e-hayaat sivaae kaif-e-fanaa meraa maajraa kyaa thaa kuchh aisi baat na thi teraa duur ho jaanaa ye aur baat ki rah rah ke dard uThtaa thaa na puchh sud-o-ziyaan kaarobaar-e-ulfat ke vagarna yuun to na paanaa thaa kuchh na khotaa thaa lagaavTein vo tire husn-e-be-niyaaz ki aah main teri bazm se jab naa-umid uTThaa thaa tujhe ham ai dil-e-dard-aashnaa kahaan DhunDein ham apne hosh mein kab the koi jab uTThaa thaa adam kaa raaz sadaa-e-shikast saaz-e-hayaat hijaab-e-zist bhi kitnaa latif pardaa thaa ye iztiraab-o-sukun bhi thi ik fareb-e-hayaat ki apne haal se begaana-vaar jiinaa thaa kahaan pe chuuk hui tere be-qaraaron se zamaana dusri karvaT badalne vaalaa thaa ye koi yaad hai ye bhi hai koi mahviyyat tire khayaal mein tujh ko bhi bhuul jaanaa thaa kahaan ki choT ubhar aai husn-e-taabaan mein dam-e-nazaara vo rukh dard saa chamaktaa thaa na puchh ramz-o-kinaayaat chashm-e-saaqi ke bas ek hashr-e-khamosh anjuman mein barpaa thaa chaman chaman thi gul-e-daagh-e-ishq se hasti usi ki nikhat-e-barbaad kaa zamaana thaa vo thaa miraa dil-e-khun-gashta jis ke miTne se bahaar-e-baagha-e-jinaan thi vajud-e-duniyaa thaa qasam hai baada-kasho chashm-e-mast-e-saaqi ki bataao haath se kyaa jaam-e-mai sanbhaltaa thaa visaal us se main chaahun kahaan ye dil meraa ye ro rahaa huun ki kyuun us ko main ne dekhaa thaa umiid yaas bani yaas phir umiid bani us ik nazar mein fareb-e-nigaah kitnaa thaa ye soz-o-saaz-e-nihaan thaa vo soz-o-saaz-e-ayaan visaal-o-hijr mein bas farq thaa to itnaa thaa shikast-e-saaz-e-chaman thi bahaar-e-laala-o-gul khizaan machalti thi ghuncha jahaan chaTaktaa thaa har ek saans hai tajdid-e-yaad-e-ayyaami guzar gayaa vo zamaana jise guzarnaa thaa na koi vaada na koi yaqin na koi umiid magar hamein to tiraa intizaar karnaa thaa kisi ke sabr ne be-sabr kar diyaa sab ko 'firaaq' nazaa mein karvaT koi badaltaa thaa"
Urdu

جہان غنچۂ دل کا فقط چٹکنا تھا اسی کی بوئے پریشاں وجود دنیا تھا یہ کہہ کے کل کوئی بے اختیار روتا تھا وہ اک نگاہ سہی کیوں کسی کو دیکھا تھا طنابیں کوچۂ قاتل کی کھنچتی جاتی تھیں شہید تیغ ادا میں بھی زور کتنا تھا بس اک جھلک نظر آئی اڑے کلیم کے ہوش بس اک نگاہ ہوئی خاک طور سینا تھا ہر اک کے ہاتھ فقط غفلتیں تھیں ہوش نما کہ اپنے آپ سے بیگانہ وار جینا تھا یہی ہوا کہ فریب امید و یاس مٹے وہ پا گئے ترے ہاتھوں ہمیں جو پانا تھا چمن میں غنچۂ گل کھلکھلا کے مرجھائے یہی وہ تھے جنہیں ہنس ہنس کے جان دینا تھا نگاہ مہر میں جس کی ہیں صد پیام فنا اسی کا عالم ایجاد و ناز بے جا تھا جہاں تو جلوہ نما تھا لرزتی تھی دنیا ترے جمال سے کیسا جلال پیدا تھا حیات و مرگ کے کچھ راز کھل گئے ہوں گے فسانۂ شب غم ورنہ دوستو کیا تھا شب عدم کا فسانہ گداز شمع حیات سوائے کیف فنا میرا ماجرا کیا تھا کچھ ایسی بات نہ تھی تیرا دور ہو جانا یہ اور بات کہ رہ رہ کے درد اٹھتا تھا نہ پوچھ سود و زیاں کاروبار الفت کے وگرنہ یوں تو نہ پانا تھا کچھ نہ کھوتا تھا لگاوٹیں وہ ترے حسن بے نیاز کی آہ میں تیری بزم سے جب ناامید اٹھا تھا تجھے ہم اے دل درد آشنا کہاں ڈھونڈیں ہم اپنے ہوش میں کب تھے کوئی جب اٹھا تھا عدم کا راز صدائے شکست ساز حیات حجاب زیست بھی کتنا لطیف پردا تھا یہ اضطراب و سکوں بھی تھی اک فریب حیات کہ اپنے حال سے بیگانہ وار جینا تھا کہاں پہ چوک ہوئی تیرے بے قراروں سے زمانہ دوسری کروٹ بدلنے والا تھا یہ کوئی یاد ہے یہ بھی ہے کوئی محویت ترے خیال میں تجھ کو بھی بھول جانا تھا کہاں کی چوٹ ابھر آئی حسن تاباں میں دم نظارہ وہ رخ درد سا چمکتا تھا نہ پوچھ رمز و کنایات چشم ساقی کے بس ایک حشر خموش انجمن میں برپا تھا چمن چمن تھی گل داغ عشق سے ہستی اسی کی نکہت برباد کا زمانہ تھا وہ تھا مرا دل خوں گشتہ جس کے مٹنے سے بہار باغ جناں تھی وجود دنیا تھا قسم ہے بادہ کشو چشم مست ساقی کی بتاؤ ہاتھ سے کیا جام مے سنبھلتا تھا وصال اس سے میں چاہوں کہاں یہ دل میرا یہ رو رہا ہوں کہ کیوں اس کو میں نے دیکھا تھا امید یاس بنی یاس پھر امید بنی اس اک نظر میں فریب نگاہ کتنا تھا یہ سوز و ساز نہاں تھا وہ سوز و ساز عیاں وصال و ہجر میں بس فرق تھا تو اتنا تھا شکست ساز چمن تھی بہار لالہ و گل خزاں مچلتی تھی غنچہ جہاں چٹکتا تھا ہر ایک سانس ہے تجدید یاد ایامے گزر گیا وہ زمانہ جسے گزرنا تھا نہ کوئی وعدہ نہ کوئی یقیں نہ کوئی امید مگر ہمیں تو ترا انتظار کرنا تھا کسی کے صبر نے بے صبر کر دیا سب کو فراقؔ نزع میں کروٹ کوئی بدلتا تھا

Hindi

जहान‌‌‌‌-ए-गुंचा-ए-दिल का फ़क़त चटकना था उसी की बू-ए-परेशाँ वजूद-ए-दुनिया था ये कह के कल कोई बे-इख़्तियार रोता था वो इक निगाह सही क्यूँ किसी को देखा था तनाबें कूचा-ए-क़ातिल की खिंचती जाती थीं शहीद-ए-तेग़-ए-अदा में भी ज़ोर कितना था बस इक झलक नज़र आई उड़े कलीम के होश बस इक निगाह हुई ख़ाक तूर-ए-सीना था हर इक के हाथ फ़क़त ग़फ़लतें थीं होश-नुमा कि अपने आप से बेगाना-वार जीना था यही हुआ कि फ़रेब-ए-उमीद-ओ-यास मिटे वो पा गए तिरे हाथों हमें जो पाना था चमन में ग़ुंचा-ए-गुल खिलखिला के मुरझाए यही वो थे जिन्हें हँस हँस के जान देना था निगाह-ए-मेहर में जिस की हैं सद पयाम-ए-फ़ना उसी का आलम-ए-ईजाद-ओ-नाज़ बेजा था जहाँ तू जल्वा-नुमा था लरज़ती थी दुनिया तिरे जमाल से कैसा जलाल पैदा था हयात-ओ-मर्ग के कुछ राज़ खुल गए होंगे फ़साना-ए-शब-ए-ग़म वर्ना दोस्तो क्या था शब-ए-अदम का फ़साना गुदाज़ शम-ए-हयात सिवाए कैफ़-ए-फ़ना मेरा माजरा क्या था कुछ ऐसी बात न थी तेरा दूर हो जाना ये और बात कि रह रह के दर्द उठता था न पूछ सूद-ओ-ज़ियाँ कारोबार-ए-उल्फ़त के वगर्ना यूँ तो न पाना था कुछ न खोता था लगावटें वो तिरे हुस्न-ए-बे-नियाज़ की आह मैं तेरी बज़्म से जब ना-उमीद उट्ठा था तुझे हम ऐ दिल-ए-दर्द-आश्ना कहाँ ढूँडें हम अपने होश में कब थे कोई जब उट्ठा था अदम का राज़ सदा-ए-शिकस्त साज़-ए-हयात हिजाब-ए-ज़ीस्त भी कितना लतीफ़ पर्दा था ये इज़तिराब-ओ-सुकूँ भी थी इक फ़रेब-ए-हयात कि अपने हाल से बेगाना-वार जीना था कहाँ पे चूक हुई तेरे बे-क़रारों से ज़माना दूसरी करवट बदलने वाला था ये कोई याद है ये भी है कोई मह्विय्यत तिरे ख़याल में तुझ को भी भूल जाना था कहाँ की चोट उभर आई हुस्न-ए-ताबाँ में दम-ए-नज़ारा वो रुख़ दर्द सा चमकता था न पूछ रम्ज़-ओ-किनायात चश्म-ए-साक़ी के बस एक हश्र-ए-ख़मोश अंजुमन में बरपा था चमन चमन थी गुल-ए-दाग़-ए-इश्क़ से हस्ती उसी की निकहत-ए-बर्बाद का ज़माना था वो था मिरा दिल-ए-ख़ूँ-गश्ता जिस के मिटने से बहार-ए-बाग़-ए-जिनाँ थी वजूद-ए-दुनिया था क़सम है बादा-कशो चश्म-ए-मस्त-ए-साक़ी की बताओ हाथ से क्या जाम-ए-मय सँभलता था विसाल उस से मैं चाहूँ कहाँ ये दिल मेरा ये रो रहा हूँ कि क्यूँ उस को मैं ने देखा था उमीद यास बनी यास फिर उमीद बनी उस इक नज़र में फ़रेब-ए-निगाह कितना था ये सोज़-ओ-साज़-ए-निहाँ था वो सोज़-ओ-साज़-ए-अयाँ विसाल-ओ-हिज्र में बस फ़र्क़ था तो इतना था शिकस्त-ए-साज़-ए-चमन थी बहार-ए-लाला-ओ-गुल ख़िज़ाँ मचलती थी ग़ुंचा जहाँ चटकता था हर एक साँस है तज्दीद-ए-याद-ए-अय्यामी गुज़र गया वो ज़माना जिसे गुज़रना था न कोई वा'दा न कोई यक़ीं न कोई उमीद मगर हमें तो तिरा इंतिज़ार करना था किसी के सब्र ने बे-सब्र कर दिया सब को 'फ़िराक़' नज़्अ' में करवट कोई बदलता था

Firaq GorakhpuriFiraq GorakhpuriSadYaadMaaDard
jahān-e-ġhuncha-e-dil kā faqat chaTaknā thā
Firaq Gorakhpuri
Firaq Gorakhpuri
Firaq Gorakhpuri
poet251 quotes

More by Firaq Gorakhpuri

View all →
Quote
"daur-e-aaghaaz-e-jafaa dil kaa sahaaraa niklaa hausla kuchh na hamaaraa na tumhaaraa niklaa teraa naam aate hi sakte kaa thaa 'aalam mujh par jaane kis tarah ye mazkur dobaaraa niklaa hosh jaataa hai jigar jaataa hai dil jaataa hai parde hi parde mein kyaa teraa ishaaraa niklaa hai tire kashf-o-karaamaat ki duniyaa qaail tujh se ai dil na magar kaam hamaaraa niklaa kitne saffaak sar-e-qatl-gah-e-aalam the laakhon mein bas vahi allaah kaa pyaaraa niklaa ibrat-angez hai kyaa us ki javaan-margi bhi haae vo dil jo hamaaraa na tumhaaraa niklaa 'ishq ki lau se farishton ke bhi par jalte hain rashk-e-khurshid-e-qayaamat ye sharaaraa niklaa sar-ba-sar be-sar-o-saamaan jise samjhe the vo dil rashk-e-jamshed-o-kai-o-khusrau-o-daaraa niklaa rone vaale hue chup hijr ki duniyaa badli sham' be-nur hui subh kaa taaraa niklaa ungliyaan uTThin 'firaaq'-e-vatan-aavaara par aaj jis samt se vo dard kaa maaraa niklaa"
Firaq GorakhpuriFiraq Gorakhpuri
MaaSham
Quote
"sunaa to hai ki kabhi be-niyaaz-e-gham thi hayaat dilaai yaad nigaahon ne teri kab ki baat zamaan makaan hai faqat madd-o-jazr-e-josh-e-hayaat bas ek mauj ki hain jhalkiyaan qaraar-o-sabaat hayaat ban gai thi jin mein ek khvaab-e-hayaat are davaam-o-abad the vahi to kuchh lamhaat hayaat-e-dozakhiyaan bhi tamaam mubham hai azaab bhi na mayassar huaa kahaan ki najaat tiri nigaah ki subhein nigaah ki shaamein harim-e-raaz ye duniyaa jahaan na dan hain na raat bas ik sharaab-e-kuhan ke karishme hain saaqi nae zamaane nai mastiyaan nai barsaat kisi pe zulm buraa hai magar ye kahtaa huun ki aadmi pe ho ehsaan aadmi haihaat sukut-e-raaz vahi hai jo daastaan ban jaae nigaah-e-naaz vahi jo nikaale baat mein baat gham-o-nishaat mohabbat ki chhoD de laalach har ik se uThte nahin ye azaab ye barkaat tamaam aks hai duniyaa tamaam aks adam kahaan tak aaina-dar-aaina hayaat-o-mamaat fazaa mein mahki hui chaandni ki naghma-e-raaz ki utrein sina-e-shaair mein jis tarah naghmaat bas ek raaz-e-tasalsul bas ik tasalsul-e-raaz kahaan pahunch ke hui khatm bahs-e-zaat-o-sifaat chamakte dard khile chehre muskuraate ashk sajaai jaaegi ab tarz-e-nau se bazm-e-hayaat jise sab ahl-e-jahaan zindagi samajhte hain kabhi kabhi to mile aisi zindagi se najaat agar khudaa bhi mile to na le ki o naadaan hai tu hi kaaba-e-din tu hi qibla-e-haajaat tamaam khastagi-o-maandgi hai aalam-e-hijr thake thake se ye taare thaki thaki si ye raat tiri ghazal to nai ruuh phunk deti hai 'firaaq' der se chhuTi hui hai nabz-e-hayaat"
Firaq GorakhpuriFiraq Gorakhpuri
ZindagiYaad
Quote
"hijr-o-visaal-e-yaar kaa parda uThaa diyaa khud baDh ke ishq ne mujhe meraa pataa diyaa gard-o-ghubaar-e-hasti-e-faani uDaa diyaa ai kimiyaa-e-ishq mujhe kyaa banaa diyaa vo saamne hai aur nazar se chhupaa diyaa ai ishq-e-be-hijaab mujhe kyaa dikhaa diyaa vo shaan-e-khaamushi ki bahaarein hain muntazir vo rang-e-guftugu ki gulistaan banaa diyaa dam le rahi thiin husn ki jab sehr-kaariyaan in vaqfa-haa-e-kufr ko imaan banaa diyaa maalum kuchh mujhi ko hain un ki ravaaniyaan jin qatra-haa-e-ashk ko dariyaa banaa dayaa ik barq-e-be-qaraar thi tamkin-e-husn bhi jis vaqt ishq ko gham-e-sabr-aazmaa diyaa saaqi mujhe bhi yaad hain vo tishna-kaamiyaan jin ko harif-e-saaghar-o-minaa banaa diyaa maalum hai haqiqat-e-gham-haa-e-rozgaar duniyaa ko tere dard ne duniyaa banaa diyaa ai shokhi-e-nigaah-e-karam muddaton ke baad khvaab-e-giraan-e-gham se mujhe kyuun jagaa diyaa kuchh shorishein taghaaful-e-pinhaan mein thiin jinhein hangaama-zaar-e-hashr-e-tamannaa banaa diyaa baDhtaa hi jaa rahaa hai jamaal-e-nazar-fareb husn-e-nazar ko husn-e-khud-aaraa banaa diyaa phir dekhnaa nigaah laDi kis se ishq ki gar husn ne hijaab-e-taghaaful uThaa diyaa jab khuun ho chukaa dil-e-hasti-e-etibaar kuchh dard bach rahe jinhein insaan banaa diyaa gum-karda-e-vafur-e-gham-e-intizaar huun tu kyaa chhupaa ki mujh ko mujhi se chhupaa diyaa raat ab harif-e-subh-e-qayaamat hi kyuun na ho jo kuchh bhi ho us aankh ko ab to jagaa diyaa ab main huun aur lutf-o-karam ke takallufaat ye kyuun hijaab-e-ranjish-e-be-jaa banaa diyaa thi yuun to shaam-e-hijr magar pichhli raat ko vo dard uThaa 'firaaq' ki main muskuraa diyaa"
Firaq GorakhpuriFiraq Gorakhpuri
RaatMaa
Quote
"haath aae to vahi daaman-e-jaanaan ho jaae chhuT jaae to vahi apnaa garebaan ho jaae ishq ab bhi hai vo mahram-e-be-gaana-numaa husn yuun laakh chhupe laakh numaayaan ho jaae hosh-o-ghaflat se bahut duur hai kaifiyyat-e-ishq us ki har be-khabari manzil-e-irfaan ho jaae yaad aati hai jab apni to taDap jaataa huun meri hasti tiraa bhulaa havaa paimaan ho jaae aankh vo hai jo tiri jalva-gah-e-naaz bane dil vahi hai jo saraapaa tiraa armaan ho jaae paak-baazaan-e-mohabbat mein jo bebaaki hai husn gar us ko samajh le to pashemaan ho jaae sahl ho kar hui dushvaar mohabbat teri use mushkil jo banaa lein to kuchh aasaan ho jaae ishq phir ishq hai jis ruup mein jis bhes mein ho ishrat-e-vasl bane yaa gham-e-hijraan ho jaae kuchh mudaavaa bhi ho majruh dilon kaa ai dost marham-e-zakhm tiraa jaur-pashemaan ho jaae ye bhi sach hai koi ulfat mein pareshaan kyuun ho ye bhi sach hai koi kyunkar na pareshaan ho jaae ishq ko arz-e-tamannaa mein bhi laakhon pas-o-pesh husn ke vaaste inkaar bhi aasaan ho jaae jhilmilaati hai sar-e-bazm-e-jahaan sham-e-khudi jo ye bujh jaae charaagh-e-rah-e-irfaan ho jaae sar-e-shorida diyaa dasht-o-bayaabaan bhi diye ye miri khubi-e-qismat ki vo zindaan ho jaae uqda-e-ishq ajab uqda-e-mohmal hai 'firaaq' kabhi laa-hal kabhi mushkil kabhi aasaan ho jaae"
Firaq GorakhpuriFiraq Gorakhpuri
YaadMaa
Quote
"ab daur-e-aasmaan hai na daur-e-hayaat hai ai dard-e-hijr tu hi bataa kitni raat hai har kaaenaat se ye alag kaaenaat hai hairat-saraa-e-ishq mein din hai na raat hai jiinaa jo aa gayaa to ajal bhi hayaat hai aur yuun to umr-e-khizr bhi kyaa be-sabaat hai kyuun intihaa-e-hosh ko kahte hain be-khudi khurshid hi ki aakhiri manzil to raat hai hasti ko jis ne zalzala-saamaan banaa diyaa vo dil qaraar paae muqaddar ki baat hai ye mushagaafiyaan hain giraan tab-e-ishq par kis ko dimaagh-e-kaavish-e-zaat-o-sifaat hai toDaa hai laa-makaan ki hadon ko bhi ishq ne zindaan-e-aql teri to kyaa kaaenaat hai gardun sharaar-e-barq-e-dil-e-be-qaraar dekh jin se ye teri taaron bhari raat raat hai gum ho ke har jagah hain za-khud raftagaan-e-ishq un ki bhi ahl-e-kashf-o-karaamaat zaat hai hasti ba-juz fanaa-e-musalsal ke kuchh nahin phir kis liye ye fikr-e-qaraar-o-sabaat hai us jaan-e-dosti kaa khulus-e-nihaan na puchh jis kaa sitam bhi ghairat-e-sad-iltifaat hai yuun to hazaar dard se rote hain bad-nasib tum dil dukhaao vaqt-e-musibat to baat hai unvaan ghaflaton ke hain qurbat ho yaa visaal bas fursat-e-hayaat 'firaaq' ek raat hai"
Firaq GorakhpuriFiraq Gorakhpuri
KhudiRaat

More on Sad

View all →
Quote
"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"
Irfan SattarIrfan Sattar
SadYaad
Quote
"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"
Irfan SattarIrfan Sattar
SadMaa
Quote
"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"
Irfan SattarIrfan Sattar
SadMaa
Quote
"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"
A
Aiman Amritsari
SadMaa
Quote
"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"
Musavvir SabzwariMusavvir Sabzwari
SadMaa