Ghazal

"ye bataa ai gham ki achchhaa kaun hai tu hai qaatil to masihaa kaun hai jagmagaa uTThe dar-o-divaar tak dil ki basti se yuun guzraa kaun hai dharmshaalaa hi to hai saaraa jahaan aa ke sab jaate hain Thahraa kaun hai kaash ye ehsaas ho tujh ko zaraa yaad mein teri ye rotaa kaun hai khvaab dekhun main bhalaa kaise kabhi shab guzar jaati hai sotaa kaun hai"

"aap ki had talaash karte hain apnaa dil paash-paash karte hain pattharon ko taraash kar kyon log devtaa ko talaash karte hain shama ki lau mein kuchh kami hai kyaa kyon patange niraash karte hain jaante hain na vaqt lauTegaa phir bhi ham kaash kaash karte hain ham to luuDo hi khelte hain janaab aap kyon taash taash karte hain shahr mein pattharon ke muddat se aaine ham talaash karte hain aane vaalaa hai koi phaagun saa aaiye ghar palaash karte hain"

"ajiib shaam kaa manzar dikhaai detaa hai jab aaftaab zamin par dikhaai detaa hai mujhe to nil-gagan ke viraaT aangan mein hasin chaand pe ik ghar dikhaai detaa hai falak kaa bojh muqaddar mein jis ke likkhaa ho use to chaand bhi patthar dikhaai detaa hai jinhein bachaanaa thaa amn-o-amaan kaa shish-mahal unhin ke haathon mein patthar dikhaai detaa hai jise talaash kiyaa aap ne zamaane mein mujhe vo khud hi ke andar dikhaai detaa hai"

"sirf ummid par Tiki miTTi kuchh nae khvaab dekhti miTTi uD lo jitnaa yahin pe aaoge kah rahi hai zamin ki miTTi raund lo kitnaa ye haqiqat hai ek din sab ko raundegi miTTi main ne dekhaa hai aisaa bhi manzar miTTi miTTi mein mil gai miTTi pyaar jis ko nahin milaa samjho ho gai us ki zindagi miTTi aaina kaise saaf dikhlaataa us ke chehre pe thi sani miTTi ik nai zindagi ki chaahat mein chaak par ghumti rahi miTi"

"mere hamdam mujhe meri khushi aur gham se kyaa matlab tu aisaa tiir hai jis ko kisi marham se kyaa matlab dikhaataa hai mujhe tu is liye ye sab ki tasvirein mujhe bas tujh se matlab hai kisi album se kyaa matlab bikharte hain jo raaton ko hare patton pe kuchh moti uDaati hai sahar un ko use shabnam se kyaa matlab tumhaare chaahne vaale hain laakhon log duniyaa mein tumhein bas un se matlab hai tumhein ab ham se kyaa matlab mujhe kyaa farq paDtaa hai december biit jaane se udaasi meri fitrat hai ise mausam se kyaa matlab"

"khilte khilte gul murjhaanaa main bhi dekhun tu bhi dekh hanste hanste aansu aana main bhi dekhun tu bhi dekh mauqa bhi hai fursat bhi hai aur gulon par rangat bhi mausam kaa andaaz suhaanaa main bhi dekhun tu bhi dekh kis ne ye zulfein kholi hain bhigaa bhigaa mausam hai baadal kaa ye aag lagaanaa main bhi dekhun tu bhi dekh sunte hain ye baagh-e-khushi hai duur yahaan gham hotaa hai is ko kahte hain mai-khaana main bhi dekhun tu bhi dekh duur gham-e-duniyaa se rah kar pyaar ke naghme ham gaaein nazmon kaa dil par chhaa jaanaa main bhi dekhun tu bhi dekh andar andar main bikhri huun baahar baahar tu bikhraa ulfat kaa aisaa nazraana main bhi dekhun tu bhi dekh"

"aaj ki taarikh mein insaan mukammal kaun hai ye pata kaise chale ki kis kaa maqtal kaun hai paas hi rahtaa vo har dam sehr ho yaa ho nashaa khushbu jaisaa hai havaaon mein musalsal kaun hai saadgi ki apsaraa vo yaa hai koi saahiri hai ghazal yaa hai vo sandal shokh chanchal kaun hai us chhalakte se samundar mein nasha hai aaj tak jhuum kar barsaa hai paagal uf ye baadal kaun hai bhaai bhaai laD rahe hain is siyaasi khel mein saaf likkhaa hai ye quraan mein ki afzal kaun hai be-khabar hain panchhi nadiyaan sarhadon ki rok se be-sabab hi mulk mein kartaa ye danggal kaun hai jugnuon ko jalte dekhaa to samajh aayaa mujhe kaisaa sannaaTaa hai jangal kartaa mangal kaun hai"

"yaa khudaa kuchh to dard kam kar de yaa judaa mujh se meraa gham kar de baDh rahi duriyon ko kam kar de aur is main ko aaj ham kar de sajda karte rahein qayaamat tak chaahe tu sar miraa qalam kar de kaash qismat mein chhat mayassar ho maulaa mere zaraa karam kar de mere khvaabon kaa aaina tum ho rishte ko dil se mohtaram kar de tum se hi to juDe hain rishte mire mil ke is ko janam janam kar de"

"baavre man ki baavri khushbu giton ghazlon si mohni khushbu mausam-e-ishq kaa payaam liye aasmaani si aashiqi khushbu yaa khudaa kyaa hai saahiri tauba khud hi bhar-bhar ke lauTti khushbu gahri gahri si jhaankti andar man samundar ko naapti khushbu kaali raaton mein jaane gham kyuun hai lukti chhupti si saanvari khushbu ban ke alfaaz har su raushan hai 'mir' ki jaise shaaeri khushbu le ke jazbaat apne honTon pe rah gai chup si bolti khushbu"

"kisi parinde ne uDne kaa man banaayaa hai vo koi aur nahin meraa hi to saaya hai zamin ki muTThi mein jaise ho aasmaan koi ghazab kaa reshmi ehsaas koi laayaa hai gulon mein shokh gulaabi tumhin ne rang bhare chale bhi aao ke gulshan ne ab bulaayaa hai ye meraa gaanv har ik roz yuun damakne lagaa ke jugnuon ne yahaan aashiyaan banaayaa hai nae se khvaab churaa luun hasin lamhon se yuun shabnami si kisi raat ne sulaayaa hai bharaa bharaa saa hi rahtaa hai ye miraa man ab mizaaj vaqt ne tujh se ye khuub paaya hai milo kabhi bhi jo fursat mein to ye puchheinge yuun mere chaand ko mujh se hi kyuun churaayaa hai"

"meraa beTaa to hai ghurur miraa shaan meraa hai vo shuur miraa chaand taare bhi tujh se sharmaaein jagmagaataa saa koh-e-nur miraa ek muddat ke baad chamkaa hai saadi aankhon mein jaise nuur miraa koi lamha na us se khaali hai paas mere hai koi duur miraa chhup ke ehsaas mein vo rahtaa hai vo farishta koi zarur miraa"