paan khā kar jo ugaal aap ne thūkā sāhab — Shayari Of Aagha Akbarabadi

va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā

tavāf-e-ka.aba ko kyā jaa.eñ haj nahīñ vājib
kalāl-ḳhāne ke kuchh dīn-dār ham bhī haiñ

do-shāla shaal kashmīrī amīroñ ko mubārak ho
galīm-e-kohna meñ jaaḌā faqīroñ kā basar hogā

sharāb piite haiñ to jāgte haiñ saarī raat
mudām ābid-e-shab-zinda-dār ham bhī haiñ

dasht-e-vahshat-ḳhez meñ uryāñ hai 'āġhā' aap hī
qāsid-e-jānāñ ko kyā detā jo ḳhil.at māñgtā

jaadū bar-haq hai to kāfir hai ayaañ rā-che-bayāñ
terā maarā huā ai chashm-e-fusūñ-gar maiñ huuñ

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

maiñ ne majnūñ pe laḌakpan meñ 'asad'
sang uThāyā thā ki sar yaad aayā

raat yuuñ dil meñ tirī khoī huī yaad aa.ī
jaise vīrāne meñ chupke se bahār aa jaa.e

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham