abr-e-bahaar baad-e-sabaa apni raah lein — Abdullah Saqib

jalte dil ko raam kiyaa to yaad aayaa
ulTi cigarette raakh hui be-dhyaani mein

kaun suntaa hai aap ki aavaaz
kyaa zarurat hai be-zabaani ki

ab to miraa shabaab khizaaon ki nazr hai
ab chashm-e-iltifaat kisi kaam ki nahin

pyaaso raho na dasht mein baarish ke muntazir
maaro zamin pe paanv ki paani nikal paDe

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

tujhi ko jo yaan jalva-farmaa na dekhaa
baraabar hai duniyaa ko dekhaa na dekhaa