jalte dil ko raam kiyaa to yaad aayaa — Abdullah Saqib

abr-e-bahaar baad-e-sabaa apni raah lein
majnun ko kaaenaat kisi kaam ki nahin

kaun suntaa hai aap ki aavaaz
kyaa zarurat hai be-zabaani ki

ab to miraa shabaab khizaaon ki nazr hai
ab chashm-e-iltifaat kisi kaam ki nahin

mere khvaabon ke jharokon ko sajaate rahiye
na sahi vasl magar yaad to aate rahiye

khudaa raa bahr-e-istiqbaal jald ai jaan baahar aa
ayaadat ko miri jaan-e-jahaan tashrif laate hain

jab bhi main ne khol kar dekhi hai yaadon ki kitaab
yunhi safhon par taDapte mil gae kuchh vaaqiaat

suluk rakhtaa hai mujh se munaafiqon jaisaa
tamaam shahr mein jo mo'atabar ziyaada hai

un ki ammi ho chalin thiin rafta rafta ham-khayaal
haan magar abbaa kaa un ke varghalaanaa yaad hai

aate hain yaad mujh ko vo aazaadiyon ke din
hotaa thaa main bhi ek kunvaara ki haae haae