namkin goyaa kabaab hain phike sharaab ke — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

yaaro hamaaraa haal sajan siin bayaan karo
aisi tarah karo ki use mehrbaan karo

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kuchh daaere se ban gae sath-e-khayaal par
jab koi phuul saaghar-e-mai-nosh mein giraa

zarf-e-vazu hai jaam hai ik kham hai ik subu
ik boriyaa hai main huun miri khaanqaah hai

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

main aur bazm-e-mai se yuun tishna-kaam aauun
gar main ne ki thi tauba saaqi ko kyaa huaa thaa