jaltaa hai ab talak tiri zulfon ke rashk se — Abroo Shah Mubarak

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

yaaro hamaaraa haal sajan siin bayaan karo
aisi tarah karo ki use mehrbaan karo

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

mire haathon se lag kar phuul miTTi ho rahe hain
miri aankhon se dariyaa dekhnaa sahraa lagegaa

hamein bhi ghuncha-o-gul se baDi mohabbat thi
chaman mein kaash hamaaraa bhi aashiyaan hotaa