yuun 'aabru' banaave dil mein hazaar baatein — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

yaaro hamaaraa haal sajan siin bayaan karo
aisi tarah karo ki use mehrbaan karo

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jism ne apni 'umr guzaari sindh ke registaanon mein
dil kam-bakht baDaa ziddi thaa aakhir tak panjaab rahaa

gham-e-'aashiqi tiri khair ho miri kaaenaat sanvaar di
jise radd kiyaa thaa dimaagh ne vahi baat dil mein utaar di

jab se dekhaa hai khvaab mein us ko
dil musalsal kisi safar mein hai

dilkashi thi unsiyat thi yaa mohabbat yaa junun
sab maraahil tujh se jo mansub the achchhe lage