duur rahtaa hai magar jumbish-e-lab bos-o-kanaar — Abul Hasanat Haqqi

badan khud apni hi tajsim kar nahin paate
qarib aayaa to aankhon ko khvaab main ne diyaa

main apne zahr se vaaqif huun vo samajhtaa nahin
hai mere kisa-e-sad-kaam mein sharaafat bhi

vo mehrbaan nahin hai to phir khafaa hogaa
koi to raabta us ko bahaal rakhnaa hai

ye sach hai us se bichhaD kar mujhe zamaana huaa
magar vo lauTnaa chaahe to phir zamaana bhi kyaa

be-niyaaz-e-dahr kar detaa hai ishq
be-zaron ko laal-o-zar detaa hai ishq

apne manzar se alag hotaa nahin hai koi rang
apni aankhon ke sivaa baad-e-bahaari aur kyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

kyaa faaeda hai qissa-e-rizvaan se tujhe
koi shama-ru pari sate tu bhi lagan lagaa

baal rukhsaaron se jab us ne haTaae to khulaa
do farangi sair ko nikle hain mulk-e-shaam se

garmi-e-hasrat-e-naakaam se jal jaate hain
ham charaaghon ki tarah shaam se jal jaate hain