apne manzar se alag hotaa nahin hai koi rang — Abul Hasanat Haqqi

badan khud apni hi tajsim kar nahin paate
qarib aayaa to aankhon ko khvaab main ne diyaa

main apne zahr se vaaqif huun vo samajhtaa nahin
hai mere kisa-e-sad-kaam mein sharaafat bhi

vo mehrbaan nahin hai to phir khafaa hogaa
koi to raabta us ko bahaal rakhnaa hai

ye sach hai us se bichhaD kar mujhe zamaana huaa
magar vo lauTnaa chaahe to phir zamaana bhi kyaa

be-niyaaz-e-dahr kar detaa hai ishq
be-zaron ko laal-o-zar detaa hai ishq

duur rahtaa hai magar jumbish-e-lab bos-o-kanaar
Dubtaa rahtaa hai dariyaa mein kinaaraa kyaa kyaa

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

kaisaa firaaq kaisi judaai kahaan kaa hijr
vo jaaegaa agar to khayaalon mein aaegaa

aisi hi intizaar mein lazzat agar na ho
to do ghaDi firaaq mein apni basar na ho

pakDaa huun kinaara-e-judaai
jaari mire ashk ki nadi hai

mire saare badan par duriyon ki khaak bikhri hai
tumhaare saath mil kar khud ko dhonaa chaahtaa huun main

vaqt-e-rukhsat nishaani jo talab ki to kahaa
daagh kaafi hai judaai kaa agar yaad rahe