hazaar kos nigaahon se dil ki manzil tak — Ada Jafarey

bas ek baar manaayaa thaa jashn-e-mahrumi
phir us ke baad koi ibtilaa nahin aai

jis ki jaanib 'adaa' nazar na uThi
haal us kaa bhi mere haal saa thaa

dil ke viraane mein ghume to bhaTak jaaoge
raunaq-e-kucha-o-baazaar se aage na baDho

kuchh itni raushni mein the chehron ke aaine
dil us ko DhunDhtaa thaa jise jaantaa na thaa

huaa yuun ki phir mujhe zindagi ne basar kiyaa
koi din the jab mujhe har nazaara hasin milaa

varna insaan mar gayaa hotaa
koi be-naam justuju hai abhi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

teri uljhi hui baaton se miraa dil uljhaa
tere bikhre hue baalon ne pareshaan kiyaa

dil un ko muft dene mein dushman ko rashk kyuun
ham apnaa maal dete hain is mein kisi kaa kyaa

khaal-o-aariz kaa tasavvur hai hamaare dil mein
ek hindu bhi hai kaabe mein musalmaan ke saath

nigaah-e-yaar mil jaati to ham shaagird ho jaate
zaraa ye siikh lete dil ke le lene kaa Dhab kyaa hai