maat khaai hai aksar shaah ne pyaade se — Adil Zaidi

vaar pusht par karke kyaa milaa tumhein aakhir
ek pal mein kho baiThe e'tibaar jitnaa thaa

aankh lagne na paai sahar ho gai
zindagi be-iraada basar ho gai

apne rasm-o-rivaaj kho baiThe
baaqi ab khaandaan mein kyaa hai

ye sahn-e-arz-e-haram hai ba-ehtiyaat qadam
bahut qarib khudaa hai zaraa sanbhal ke chalo

ghaTaaein khul ke barsin thiin chaDhe the dil ke dariyaa bhi
chaDhe dariyaaon kaa ik din utarnaa bhi zaruri thaa

jab bhi aankh lage main dekhun ek suhaani surat
devi thi vo ruup ki raani yaa patthar ki murat

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

tujhe kuchh us ki khabar bhi hai bhulne vaale
kisi ko yaad teri baar baar aai hai