chupke chupke apne andar jaate hain — Ahmar Nadeem

ye kaisi fasaahat ki samajh mein nahin aati
tahrir-e-mohabbat zaraa aasaan likhaa kar

kitne hi raaz sab par 'ayaan ho gae
ik tiraa raaz-e-ulfat chhupaate hue

dil lagaane ko saaraa jahaan thaa magar
sochtaa kaun hai dil lagaate hue

maut bar-haq hai jab aa jaae hamein kyaa lekin
zindagi ham tiri raftaar se Dar jaate hain

qaafile mein har ik fard mukhtaar hai
qaafila dekh lenaa luTegaa zarur

kitne rishton kaa main ne bharam rakh liyaa
ik ta'alluq se daaman chhuDaate hue

main baDaa ho gayaa huun magar bachpanaa
mere dil se kabhi bhi gayaa hi nahin

ilm ki ibtidaa hai hangaama
ilm ki intihaa hai khaamoshi

jasaarat ke rahte bhi khaamosh honaa
hai is ke sivaa kyaa sitam-posh honaa

parbat sahraa nadiyaan jangal hamraaz tire honaa chaahein
khaamosh parinde ab to nikal dukh ko sargam karne ke liye

collage ke sab bachche chup hain kaaghaz ki ik naav liye
chaaron taraf dariyaa ki surat phaili hui bekaari hai

ab na aaeinge ruThne vaale
dida-e-ashk-baar chup ho jaa