raat din phir rahaa huun galiyon mein — Akbar Hameedi

kahin to harf-e-aakhir huun main 'akbar'
kisi kaa nuqta-e-aaghaaz huun main

go raahzan kaa vaar bhi kuchh kam na thaa magar
jo vaar kaargar huaa vo rahnumaa kaa thaa

kitnaa maan gumaan hai dene vaale ko
dard diyaa hai aur mudaavaa rok liyaa

hu-ba-hu aap hi ki murat hai
zindagi kitni khub-surat hai

jal kar giraa huun sukhe shajar se uDaa nahin
main ne vahi kiyaa jo taqaazaa vafaa kaa thaa

libaas mein hai vo tarz-e-tapaak-e-aaraaish
jo ang chaahe chhupaanaa jhalak jhalak jaae

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

jama karti hai mujhe raat bahut mushkil se
subh ko ghar se nikalte hi bikharne ke liye