libaas mein hai vo tarz-e-tapaak-e-aaraaish — Akbar Hameedi

go raahzan kaa vaar bhi kuchh kam na thaa magar
jo vaar kaargar huaa vo rahnumaa kaa thaa

kitnaa maan gumaan hai dene vaale ko
dard diyaa hai aur mudaavaa rok liyaa

raat din phir rahaa huun galiyon mein
meraa ik shakhs kho gayaa hai yahaan

hu-ba-hu aap hi ki murat hai
zindagi kitni khub-surat hai

jal kar giraa huun sukhe shajar se uDaa nahin
main ne vahi kiyaa jo taqaazaa vafaa kaa thaa

kahin to harf-e-aakhir huun main 'akbar'
kisi kaa nuqta-e-aaghaaz huun main

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

us husn kaa sheva hai jab ishq nazar aae
parde mein chale jaanaa sharmaae hue rahnaa

main divaanaa huun sadaa kaa mujhe mat qaid karo
ji nikal jaaegaa zanjir ki jhankaar ke saath

maanaa ki mujh mein tah bahut hain aur gahraa bhi huun main
tum ne bhi to mujh ko kabhi kholaa nahin tartib se