isi hasrat mein kaTi raah-e-hayaat — Akhtar Lakhnvi

hasad kaa rang pasandida rang hai sab kaa
yahaan kisi ko koi ab duaa nahin detaa

mausam-e-gul tire sadqe tiri aamad ke nisaar
dekh mujh se miraa saaya bhi judaa hai ab ke

jazbe ki kaDi dhuup ho to kyaa nahin mumkin
ye kis ne kahaa sang pighaltaa hi nahin hai

suune kitne baam hue kitne aangan be-nur hue
chaand se chehre yaad aate hain chaand nikalte vaqt bahut

hamein khudaa pe bharosa hai naa-khudaa pe nahin
khudaa jo detaa hai vo naa-khudaa nahin detaa

ik tere hi kuche par mauquf nahin hai kuchh
har gaam hain taazirein ham log jahaan bhi hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

tamaam umr yahaan kis kaa intizaar huaa hai
tamaam umr miraa kaun intizaar karegaa

zindagi ek film hai meri
jis mein hansne kaa scene hai hi nahin

har baar hi main jaan se jaane mein rah gayaa
main rasm-e-zindagi jo nibhaane mein rah gayaa