ab nahin lauT ke aane vaalaa — Akhtar Nazmi

vo zahr detaa to sab ki nigah mein aa jaataa
so ye kiyaa ki mujhe vaqt pe davaaein na diin

miri taraf se to TuuTaa nahin koi rishta
kisi ne toD diyaa e'tibaar TuuT gayaa

naav kaaghaz ki chhoD di main ne
ab samundar ki zimmedaari hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

kaho to kyuun hai ye bannaa-sanvarnaa
miri jaan jaan loge kyaa kisi ki