khvaab galiyon mein phir rahe the aur — Akhtar Razaa Saleemi

yahin kahin pe koi shahr bas rahaa thaa abhi
talaash kijiye is kaa agar nishaan koi hai

ik aag hamaari muntazir hai
ik aag se ham nikal rahe hain

aae adam se ek jhalak dekhne tiri
rakkhaa hi kyaa thaa varna jahaan-e-kharaab mein

pahle taraashaa kaanch se us ne miraa vajud
phir shahr bhar ke haath mein patthar thamaa diye

ab zamin bhi jagah nahin deti
ham kabhi aasmaan pe rahte the

guzar rahaa huun kisi jannat-e-jamaal se main
gunaah kartaa huaa nekiyaan kamaataa huaa

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

mujhe chakhte hi kho baiThaa vo jannat apne khvaabon ki
bahut miltaa huaa thaa zindagi se zaaiqa meraa

gae mausam mein main ne kyuun na kaaTi fasl khvaabon ki
main ab jaagi huun jab phal kho chuke hain zaaiqa apnaa

khvaab darvaazon se daakhil nahin hote lekin
ye samajh kar bhi vo darvaaza khulaa rakkhegaa