afsaana-go ko yaad nahin khatm-e-daastaan — Firaq Gorakhpuri

chhuT ke ghar aa gae asiir tire
lekin ab in ko kaun pahchaane

kam se kam maut se aisi mujhe ummid nahin
zindagi tu ne to dhoke pe diyaa hai dhoka

bahut dinon mein mohabbat ko ye huaa maalum
jo tere hijr mein guzri vo raat raat hui

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

jo uljhi thi kabhi aadam ke haathon
vo gutthi aaj tak suljhaa rahaa huun

main muddaton jiyaa huun kisi dost ke baghair
ab tum bhi saath chhoDne ko kah rahe ho khair

mere khvaabon ke jharokon ko sajaate rahiye
na sahi vasl magar yaad to aate rahiye

asiir kar ke hamein hukm de gayaa sayyaad
qafas ho tang to un ke na baal-o-par rakhnaa

latif ruuh ke maanind jism hai kis kaa
piyaada kaun vaqaar-e-savaar rakhtaa hai

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

vo majburi maut hai jis mein kaase ko buniyaad mile
pyaas ki shiddat jab baDhti hai Dar lagtaa hai paani se

vafaa ki kaun si manzil pe us ne chhoDaa thaa
ki vo to yaad hamein bhuul kar bhi aataa hai