avvalin chaal se aage nahin sochaa main ne — Ali Iftikhar Jafri

niind aati hai magar jaag rahaa huun sar-e-khvaab
aankh lagti hai to ye umr guzar jaani hai

kisi ki aankh kaa taaraa huaa karte the ham bhi to
achaanak shaam kaa taaraa nazar aayaa to yaad aayaa

tum kisi sang pe ab sar ko Tikaa kar so jaao
kaun suntaa hai shab-e-gham kaa fasaanaa sar-e-raah

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

sukhan jin ke ki surat juun guhar hai bahr-e-maani mein
abas ghaltaan rakhe hai fikr un ke aab-o-daane kaa

jale makaanon mein bhuut baiThe baDi mataanat se sochte hain
ki jangalon se nikal kar aane ki kyaa zarurat thi aadmi ko

bol the divaanon ke jin se hosh vaalon ne
soch ke dhundlakon mein apnaa raasta paayaa

maadum hue jaate hain ham fikr ke maare
mazmun kamar-e-yaar kaa paidaa nahin hotaa