raaz-e-gham-e-ulfat ko ye duniyaa na samajh le — Ali Zaheer Rizvi Lakhnavi

nafrat se mohabbat ko sahaare bhi mile hain
tufaan ke daaman mein kinaare bhi mile hain

hamaari zindagi kyaa hai mohabbat hi mohabbat hai
tumhaaraa bhi yahi dastur ban jaae to achchhaa ho

zaraa parda haTaa do saamne se bijliyaan chamkein
miraa dil jalva-gaah-e-tur ban jaae to achchhaa ho

vo to thaa aadmi ki tarah 'zahir'
us kaa chehra farishton jaisaa thaa

miraa khun-e-jigar pur-nur ban jaae to achchhaa ho
tumhaari maang kaa sindur ban jaane to achchhaa ho

kaan sunte to hain lekin na samajhne ke liye
koi samjhaa bhi to mafhum nayaa maange hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main bhi tanhaa is taraf huun vo bhi tanhaa us taraf
main pareshaan huun to huun vo bhi pareshaani mein hai

hausle dard-bayaani ke nahin hote hain
ab yahaan lafz maaani ke nahin hote hain

sochte hain ki bari khud ko karoge kaise
ham na boleinge magar dard sunaai deinge