chaman suun dil ke aalam ko khabar nahin — Alimullah

taalaab iraade kaa bhare pal mein labaalab
jab yaar ke dariyaa-e-karam suun lahr aave

ishq ke kuche mein jab jaataa hai dil karne ko sair
vaan nahin maalum hotaa roz hai yaa raat hai

ajab kuchh ishq ki khush-tar hai vaadi
ki jis vaadi mein hai har vaqt shaadi

tark de islaam ko aur kufr saaraa duur kar
chhoD de hirs-o-havaa farzand aur zan bhuul jaa

yaar ke darsan ke khaatir jaan aur tan bhuul jaa
aankh munavvar dekh us kaa rang-e-gulshan bhuul jaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ab dil bhi dukhaao to aziyyat nahin hoti
hairat hai kisi baat pe hairat nahin hoti

ek din kah lijiye jo kuchh hai dil mein aap ke
ek din sun lijiye jo kuchh hamaare dil mein hai

is dil mein tire husn ki vo jalvagari hai
jo dekhe hai kahtaa hai ki shishe mein pari hai

ab dil kaa safina kyaa ubhre tufaan ki havaaein saakin hain
ab bahr se kashti kyaa khele maujon mein koi girdaab nahin