taalaab iraade kaa bhare pal mein labaalab — Alimullah

ishq ke kuche mein jab jaataa hai dil karne ko sair
vaan nahin maalum hotaa roz hai yaa raat hai

ajab kuchh ishq ki khush-tar hai vaadi
ki jis vaadi mein hai har vaqt shaadi

chaman suun dil ke aalam ko khabar nahin
hamesha dekhte khaaki badan ko

tark de islaam ko aur kufr saaraa duur kar
chhoD de hirs-o-havaa farzand aur zan bhuul jaa

yaar ke darsan ke khaatir jaan aur tan bhuul jaa
aankh munavvar dekh us kaa rang-e-gulshan bhuul jaa

jab ki pahlu se yaar uThtaa hai
dard be-ikhtiyaar uThtaa hai

yak qadam raah-e-dost hai 'daaud'
lekin afsos paa-e-bakht hai lang

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

jo ghair the vo isi baat par hamaare hue
ki ham se dost bahut be-khabar hamaare hue

log logon se dosti kar ke
kitnaa saste mein bech dete hain