vo aashiqi ke khet mein saabit qadam huaa — Siraj Aurangabadi

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

chaahiye rang-e-taghazzul bhi ghazal mein pyaare
shaairi naam nahin qaafiya-paimaai kaa

ye duniyaa nafraton ke aakhri stage pe hai
ilaaj is kaa mohabbat ke sivaa kuchh bhi nahin hai

ik ishq kaa gham aafat aur us pe ye dil aafat
yaa gham na diyaa hotaa yaa dil na diyaa hotaa