khushaamad ai dil-e-betaab is tasvir ki kab tak — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

vo bhi hai ik maqaam-e-ishq jahaan
har tamannaa gunaah hoti hai

ye kah ke diyaa us ne dard-e-mohabbat
jahaan ham raheinge ye saamaan rahegaa

is se baDh kar aur kyaa hai saada-lauhi ishq ki
aap ne vaada kiyaa aur ham ko baavar ho gayaa