us ne naasur kar liyaa hogaa — Ammar Iqbal

khud hi jaane lage the aur khud hi
raasta rok kar khaDe hue hain

aur kitni ghumaaoge duniyaa
ham to sar thaam kar khaDe hue hain

main aainon ko dekhe jaa rahaa thaa
ab in se baat bhi karne lagaa huun

haath jis ko lagaa nahin saktaa
us ko aavaaz to lagaane do

ek darvesh ko tiri khaatir
saari basti se ishq ho gayaa hai

kaisaa mujh ko banaa diyaa 'ammaar'
kaun saa rang bhar gae mujh mein

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

shah-naame likkhe hain khanDaraat ki har iinT par
har jagah hai dafn ik afsaana tere shahr mein

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa

ye saare zakhmi gunge hain
ye saari duniyaa andhi hai

sharaab band ho saaqi ke bas ki baat nahin
tamaam shahar hai do chaar das ki baat nahin