maiñ ne chāhā thā zaḳhm bhar jaa.eñ — Shayari Of Ammar Iqbal

ek hī baat mujh meñ achchhī hai
aur maiñ bas vahī nahīñ kartā

maiñ ā.īnoñ ko dekhe jā rahā thā
ab in se baat bhī karne lagā huuñ

ḳhud hī jaane lage the aur ḳhud hī
rāsta rok kar khaḌe hue haiñ

ye jo maiñ huuñ zarā sā baaqī huuñ
vo jo tum the vo mar ga.e mujh meñ

maiñ ne tasvīr pheñk dī hai magar
kiil dīvār meñ gaḌī huī hai

ek darvesh ko tirī ḳhātir
saarī bastī se ishq ho gayā hai

ab to ye aarzū hai ki vo zaḳhm khā.iye
tā-zindagī ye dil na koī aarzū kare

'iqbāl' lakhna.ū se na dillī se hai ġharaz
ham to asiir haiñ ḳham-e-zulf-e-kamāl ke

vo āshiqī ke khet meñ sābit qadam huā
jo koī zaḳhm-e-ishq liyā dil kī Dhaal par

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

sar pā-e-ḳhum pe chāhiye hañgām-e-be-ḳhudī
rū sū-e-qibla vaqt-e-munājāt chāhiye

qismat meñ gar hamārī ye mai hai to sāqiyā
be-iḳhtiyār aap se shīsha karegā jast